मुसिकोट युवा क्लव गुल्मीद्वारा भित्तेपात्रो विमोचन

गुल्मी – मुसिकोट युवा क्लव मुसिकोट गुल्मीले नयाँ वर्ष २०८१ सालको भित्तेपात्रो विमोचन तथा नयाँ वर्षको शुभकामना आदान प्रदान कार्यक्रम सम्पन्न गरेको छ ।

वडा नं ७ वामीटक्सार स्थित होटल दरबारमा आयोजित कार्यक्रममा क्लवका अध्यक्ष बसन्त अधिकारीको प्रमुख आतिथ्यता रहेको थियो । कार्यक्रमलाई सम्बोधन गर्दैै अधिकारीले क्लवले नगरपालिकाका ९ वटै वडामा शाखा विस्तार गरी सामाजिक क्षेत्रमा विभिन्न कार्यहरु गर्दै आएको बताउनुभयो । त्यस्तै उहाँले स्थानीय तहलाई पनि नमुना देखाउने गरी कार्यक्रम गर्ने योजना क्लवले बनाएको भन्दै विशेषगरी शिक्षा, स्वास्थ्य र युवा सशक्तिकरणको क्षेत्रमा क्रियाशिल रहेको बताए ।

क्लवका महासचिव बिष्णु प्रसाद आचार्यले भित्तेपात्रोमा नगरपालिका भित्रका ऐतिहासिक धार्मिक स्थलहरु, नगरपालिका अन्तर्गत रहेका स्वास्थ्य संस्था, विभिन्न व्यक्ति तथा संस्थाका महत्वपूर्ण  फोन नम्बरहरु समावेश गरिएको बताए । भित्तेपात्रो मिति हेर्नकै लागि नभएर अन्य कार्यहरुका लागि समेत उपयोगी रहेको उनको भनाइ छ ।

कार्यक्रममा युनिक खबर डटकमका प्रधान सम्पादक रामकृष्ण कंडेल, लुम्बिनी वामी हस्पिटल प्रा।लिका व्यवस्थापक दिपेन्द्र ज्ञवाली लगायतले शुभकामना मन्तव्य व्यक्त गर्नुभएको थियो । भने सामुदायिक रेडियो पुष्पाञ्जलीका स्टेशन म्यानेजर प्रकाश घिमिरे, समाचार प्रमुख सागर भण्डारी, स्थानीय समाजसेवीहरु रामचन्द्र सापकोटा, प्रकाश केसी लगायतको उपस्थिति रहेको थियो ।

क्लवका बरिष्ठ उपाध्यक्ष एवम् क्यालेण्डर प्रकाशन समिति संयोजक अनुप पाण्डेको अध्यक्षता रहेको कार्यक्रममा मुसिकोट युवा क्लव वडा नं ७ का अध्यक्ष शिला खरालको स्वागत मन्तव्य एवम् महासचिव बिष्णु प्रसाद आचार्यको सञ्चालनमा सम्पन्न भएको थियो ।