रेसुंगा नगरपालिकाले दियो मंगलबार सार्वजानिक बिदा

गुल्मी – गुल्मीको रेसुंगा नगरपालिकाले आज (मंगलबार) सार्वजानिक बिदा दिएको छ । गत साउन १४ गते बसेको नगर कार्यपालिकाको बैठकको निर्णयानुसार कृष्ण जन्माष्टमीको भोलीपल्ट अर्थात् आज सार्वजानिक बिदा दिइएको नगरपालिकाले जनाएको छ ।

रेसुंगा नगरपालिकाले भदौ ७ गते एक सूचना जारी गर्दै मंगलबार नगरपालिका मातहतका सम्पूर्ण निकायमा सार्वजानिक बिदा दिइएको हो । रोपाइँ जात्रा कार्यक्रमलाई भव्य बनाउनका लागि नगरपालिका कार्यालय,वडा कार्यालय,विद्यालय,स्वास्थ्य संस्था लगायत नगरपालिका मातहतका सम्पूर्ण निकायउमा सार्वजानिक बिदा दिइएको सूचनामा उल्लेख गरिएको छ ।

श्रीकृष्ण जन्माष्टमीको अर्को दिन तम्घास बजारमा विभिन्न क्लब, समूह, संघसंस्थाले रोपाइँ जात्रा लगायतका कार्यक्रमहरु गरेर यो पर्व मनाउने प्रचलन बषौंदेखि रहदैं आएको छ । निमित्त प्रमुख प्रशासकीय अधिकृत पिताम्बरु पन्थीद्धारा हस्ताक्षरित सूचनामा प्रत्येक बर्ष कृष्ण जन्माष्टमी पर्वको भोलीपल्ट जिल्लाको सदरमुकाम तम्घास बजारमा सांस्कृतिक रोपाइँ जात्रा हुने हुदाँ नगरबासीको सहभागीतालाई सहज र कार्यक्रमलाई भव्य बनाउका लागि सार्वजानिक बिदा दिइएको बताइएको छ ।