रेसुङ्गा नगरपालिकामा विनियोजन विधेयक र प्रतिवेदन सर्वसम्मत पारित

गुल्मी – रेसुङ्गा नगरपालिका गुल्मीको १७ औं नगरसभाको तेस्रो बैठक शुक्रबार सम्पन्न भएको छ । बैठकले आर्थिक वर्ष २०८२÷८३ को बिनियोजन विधेयक, लेखा समितिको प्रतिवेदन तथा न्यायिक समितिको प्रतिवेदन सर्वसम्मतिले पारित गरेको छ । बैठकमा नगरसभा सदस्य कृष्ण भण्डारीले आफ्नै भवन नभएका वडा कार्यालयका लागि भवन निर्माणतर्फ नगरले ध्यान पु¥र्याउनुपर्ने बताए । उनले शुन्य समयमा बोल्दै पछिल्लो समय पत्रु खानपानका कारण मानिसहरुमा विभिन्न प्राणघातक रोगहरु बढ्दै गएकाले त्यसको न्यूनिकरणका क्रियाकलाप संचालन गर्न आवश्यक रहेको उल्लेख गरे ।

भण्डारीले समसामयिक विषय उठान गर्दै सदरमुकाम तम्घास बजारदेखि ह्वाक्नेछहरासम्म शारिरीक कसरतका लागि विहान साँझ हिडडुल गर्ने नागरिकका लागि सडक छेउमा जडान गरिएको सडकबत्ति प्रभावकारी भएको बताए । अहिले तम्घासदेखि पर्यटकीय क्षेत्र गुर्जरासम्म पनि मानिसको बढ्दो चहलपहल भएकाले सडकबत्तिको आवश्यकता औंल्याए । उनले नगरमा थुप्रै भौतिक पूर्वाधार थपिएको बताउँदै अब व्यवस्थित नाली निर्माण र चिदिचौर खेलमैदान कलात्मक शैलीमा निर्माण गर्न सकिए यसले नगरको सौन्र्दयकरणमा समेत थप टेवा पुग्ने विश्वास दिलाए ।

लेखा समितिको प्रतिवेदन प्रस्तुत :  ८ करोडभन्दा बढी बेरुजु
१७ औं नगरसभाको बैठकमा लेखा समितिका संयोजक रामप्रसाद पन्थीले लेखा समितिको प्रस्तुत गरेको थिए । महालेखा परीक्षक कार्यालयको प्रतिवेदन अनुसार आर्थिक वर्ष २०७१÷०७२ देखि २०७९÷०८० सम्म ९ करोड ६५ लाख ४७ हजार बेरुजु देखिएको छ । तर २०८०÷०८१ मा ४ करोड २७ लाख ६३ हजार ९ रुपियाँ फस्यौट भएको प्रतिवेदनमा उल्लेख छ । उक्त रकम फस्र्यौट भएबाट आथिृक वर्ष २०७९÷०८० सम्मको ५ करोड ३७ लाख ८३ हजार ९ सय ९१ रुपिंया बाकी बेरुजु देखिन्छ । आर्थिक वर्ष २०८०÷०८१ को बेरुजु २ करोड ६८ लाख १६ हजार ४ सय रुपिया रहेको छ । नगरपालिकाले केही रकम फस्र्याैट गरे पनि हाल नगरपालिकाको कुल बेरजु ८ करोड ६ लाख ३ सय ९१ रुपियाँ रहेको प्रतिवेदन आर्थिक समिति संयोजक पन्थीले प्रस्तुत गरे ।

आर्थिक वर्ष २०८०÷०८१ सम्मको लेखा परीक्षणको प्रतिवेदन अधययन गर्दा प्रतिवेदन समितिले बेरुजुका प्रकृतिहरु दोहोरिएको उल्लेख गरेको छ । लेखा समितिका संयोजक पन्थीले प्रस्तुत गरेका प्रतिवेदनमा दिवा खाजा र निशुःल्क पाठ्यपुस्तक अनुदानमा विद्यार्थीको संख्यालाई सत्यापन नगरि बढि भुक्तानी दिएको, निर्माण कार्यमा गुणस्तर परीक्षण प्रतिवेदन बिना भुक्तानी, कार्यविधि विपरीत खर्च, कर समायोजन पत्र पेश नगरेको योजना बाहिर खर्च जस्ता अनियमितता समावेश छन् । रेसुङ्गा नगरपालिकाको लेखा समितिले आर्थिक वर्ष २०८०÷०८१ सम्मको लेखा परीक्षण प्रतिवेदन मार्फत आर्थिक कार्यशैली सुधार गर्न सुझाव समेत दिएको छ । समितिले योजना छनोट, बजेट निर्माण, कार्यान्वयन र मूल्यांकन प्रक्रियामा नियमको पूर्ण पालना गर्नुपर्ने, आर्थिक अनुशासन बलियो बनाउने र बेरुजु घटाउन प्रमाण संकलन गरी फस्र्योट प्रक्रिया अघि बढाउनुपर्ने जनाएको छ । नगरपालिकाले मितव्ययी र पारदर्शी आर्थिक प्रणाली अपनाउन आवश्यक रहेको लेखा समितिका संयोजक पन्थीले बताए ।

बैठकमा नगरसभाका सदस्यहरले प्रस्तुत गरेका विषयलाई नगरप्रमुख खिलध्वज पन्थीले प्रष्ट पारेका थिए । नगरप्रमुख पन्थीले नगरभित्र वडा कार्यालय नभएका स्थानमा भवन निर्माणका लागि आवश्यक जग्गा व्यवस्थापन नगरपालिकाले गरिरहेको र आगामी आर्थिक वर्षको बजेटमा यसको लागि विनियोजन गरिने प्रतिवद्धता व्यक्त गरे । “लोकतन्त्रको मर्म बुझाउँदै स्थानीय सरकार जनताको पक्षमा दिगो विकास, पारदर्शिता र सुशासनमा प्रतिबद्ध छ,” नगरप्रमुख पन्थीले भने, निकट भविष्यमा रेसुङ्गा नगरलाई ‘उज्यालो शहर’ को रुपमा विकास गरिने विश्वास व्यक्त गरे । नगर प्रमुख पन्थीले योग, खेलकुद, व्यायामजस्ता कार्यक्रमलाई सशक्त रूपमा अगाडि बढाइने उल्लेख गर्दै चिदीचौर खेलमैदानको तीव्र गतिमा निर्माण गर्ने र तम्घासको सौन्दर्यकरणसँग पूर्वाधार विकासलाई जोड्ने बताए ।