गुल्मीमा बालिका घटना : टायर बाल्ने क्रममा जलेर २ जना घाइते

गुल्मी – गुल्मीमा बलिकाको मृत्युको छानबिनको माग गर्दै आन्दोनको क्रममा २ जना युवा घाइते भएका छन् । अर्घाखाँची जिल्लाको छत्रदेव गाउँपालिका वडानम्बर ७ काउले निवासी ७ वर्षकी प्रशंसा मरासिनीको मंगलवार बिहान गुल्मी अस्पतालमा मृत्यु भएको हो ।

अस्पतालको लापरवाहीका कारणले मृत्यु भएको भन्दै बालिका आफन्त सहितले बिहानैदेखि आन्दोलन गरिरहेका छन् । समस्या समधान गर्न भन्दे प्रमुख जिल्ला अधिकारी टेकबहादुर केसीको कार्यकक्षमा छलफल भइरहेको छ ।

त्यसक्रममा पिडित पक्षले प्रशासन कार्यालय अगाडी नारा बाजी र टायर बाल्ने क्रममा पेट्रोल सरिरमा परेर अर्घाखाँची जिल्ला छत्रदेव गाउँपालिका वडानम्बर ६ र ७ का लक्ष्मण पाण्डे र कृष्ण पौडेल जलेर घाइते भएका हुन् । प्रहरीले आन्दोलन रत पक्षलाई टायर नबाल्न आग्रह गरिरहेका थिए ।

त्यसक्रममा एक्ककासी पेट्रोल खनाएर बाल्लने क्रममा ति युवाहरुको सरिरमा परेर घाइते भएका हुन् । उनिहरुलाई थप उपचारको पाल्पा पठाउने तयारी रहेको छ ।