भदौ १७ गते तपाईको राशिफल कस्तो छ? हेर्नुहोस्..

२०८० भदाै १७ गते, आइतवार, ३ सेप्टेम्बर २०२३। भाद्र कृष्णपक्ष चतुर्थी तिथि। रेवती नक्षत्र, १६ः०३ बजेपछि अश्विनी। चन्द्रराशि मीन,१६ः०३ बजेपछि मेष।

उपप्रा. लक्ष्मीप्रसाद बराल (फलितज्योतिषाचार्य) ले नेपाली पात्रोमा तयार पार्नुभएको छ ।

मेष(चू,चे,चो,ला,लि,लू,ले,लो,अ)

केही आम्दानी हुने समय छ । श्रमको उचित मूल्य पाइनेछ । रोकिएको काम बन्नेछ र जिम्मेवारी पनि बढ्नेछ । प्रयत्न गर्दा व्यापार, साझेदारी र सट्टापट्टामा लाभ मिल्नेछ । तर दिउँसोदेखि अवसरका लागि केही दौडधुप गर्नुपर्ला । आकस्मिक समस्याले खर्च बढाउने समय छ । यात्राको प्रक्रिया अघि बढाउन सकिनेछ । व्यवसायमा लगानी बढाउनुपर्ने हुन सक्छ । खर्चिलो काम थालनी हुनेछ ।

बृष (ई,ऊ,ए,ओ,वा,वी,वू,वे,वो)

आम्दानीका नयाँ स्रोत फेला पर्नेछन् । कामबाट प्रशस्त लाभ हुनेछ । श्रमको उचित मूल्यांकन हुनाले मनग्य रकम हातलागी हुनेछ । नयाँ व्यवसायमा लगानी गर्ने वातावरण बन्न सक्छ । पुरुषार्थी काम प्रारम्भ हुन सक्छ । भेटघाटले उत्साह जगाउनेछ । मिहिनेतले नाम, दाम र इनाम दिलाउन सक्छ । दिगो काममा जग बसाउने मौका छ । विशिष्ट व्यक्तिहरूसँग मित्रता बढ्न सक्छ ।

मिथुन(का,की,कू,घ,ङ,छ,के,को,हा)

रोकिएका काम सम्पादन हुनेछन् भने मिहिनेतले विशेष जिम्मेवारी दिलाउनेछ । श्रम परे पनि लगनशीलताले विशेष उपलब्धि दिलाउनेछ । भौतिक साधन जुट्नाले साहसी काम गरेर लाभ उठाउन सकिनेछ । भविष्यका लागि सम्भावना खोजी गर्ने समय छ । तर मध्याह्नदेखि अरूको दबाबमा परिने सम्भावना छ । वादविवादमा अघि नसर्नुहाेला । आफ्ना कमजोरी भरसक सार्वजनिक नगर्नुहोला ।

कर्कट (ही,हू,हे,हो,डा,डी,डु,डे,डो)

भविष्यका लागि सम्भावना खोजी गर्ने समय छ । दिगो योजना बन्नेछ र पेसा-व्यवसायमा मनग्य फाइदा हुनेछ । मनमा अध्यात्मभाव जागृत हुनाले परोपकारी काममा प्रवृत्त भइनेछ । अरूको प्रभावमा परिने हुँदा गोपनीयता भंग हुन सक्छ । आफ्ना कमजोरी भरसक सार्वजनिक नगर्नुहोला। फाइदाका लागि काममा दोहोर्याएर प्रयत्न गर्नुपर्ला । श्रम परे पनि दिउँसाेदेखि विशेष उपलब्धि प्राप्त हुनेछ ।

सिंह (मा,मी,मू,मे,मो,टा,टी,टू,टे)

सामान्य काममा धन र श्रम समेत खर्च हुनेछ । सहयोगीहरू पछि हट्नेछन् भने कमजोरीको फाइदा अरूले उठाउन सक्छन् । स्वास्थ्यका लागि आहारविहारमा ध्यान पुर्याउनुहोला । अवसर प्राप्त भए पनि महत्त्वाकांक्षाले समस्या निम्त्याउन सक्छ । किनमेल गर्दा अनावश्यक सामानमा बढी खर्च हुनेछ । यात्राले थकित भइएला । स्वास्थ्यबाधा हुन सक्छ । साथ दिनेहरू नहुँदा दुःख पाइनेछ ।

कन्या (टो,पा,पी,पू,ष,ण,ठ,पे,पो)

प्रियजनसँग भेटघाट हुनेछ भने साँझतिर आतिथ्यपूर्ण सम्मान प्राप्त होला। आफन्तहरूको साथ जुट्नेछ । वादविवादमा अघि नसर्नुहोला, मिहिनेतले जीवनशैलीमा परिवर्तन आउनेछ । जटिल काममा जुट्नुपरे पनि दिन उत्साहवर्द्धक रहनेछ । केही खर्च भए पनि काम बन्नेछ। शत्रु र राेगमाथि विजय प्राप्त हुनेछ । भौतिक साधन प्राप्त हुनेछन् । व्यापार बढ्नेछ भने यात्राकाे साइत जुर्न सक्छ ।

तुला (रा,री,रु,रे,रो,ता,ती,तू,ते)

मिहिनेतले नाम र दाम दिलाउनेछ । व्यवसायले आम्दानी बढाउनेछ । समय उपलब्धिमूलक रहनेछ । व्यापारमा राम्रै फड्को मार्न सकिनेछ । आवश्यक भौतिक साधन सजिलै जुट्नेछन् । श्रमको उचित मूल्य पाइनेछ । तर सोखले फजुल खर्च बढाउनेछ । आँटेको काम राेकिन सक्छ ।खर्च बढ्नाले अर्थ अभाव देखा पर्न सक्छ । आवश्यकता पूरा गर्न सरसापट वा ऋण लिनुपर्ने हुन सक्छ ।

बृश्चिक (तो,ना,नी,नू,ने,नो,या,यी,यू)

अध्ययनको लगावले बौद्धिक क्षेत्र पनि फराकिलो बन्नेछ । पढाइमा गुरुजनको मार्गदर्शन उपयोगी हुनेछ । सहपाठीहरू पछि पर्नेछन् भने प्रतीक्षित नतिजाले उत्साह जगाउनेछ । आफ्नो क्षेत्रमा प्रभुत्व जमाउन सकिनेछ । बिहानको काम सन्तोषजनक नभए पनि बिस्तारै मनको डर हराउनेछ । मिहिनेतले प्रतिष्ठित काम सम्पादन गर्ने मौका दिलाउनेछ । दिउँसोबाट दिगो काम प्रारम्भ गर्न सकिनेछ ।

धनु (ये,यो,भा,भी,भू,ध,फा,ढा,भे)

रोकिएका काममा दोहोर्याएर प्रयत्न गर्नुपर्ला । आस लागेको काम बिग्रिए पनि मेहनत गर्दा पछिलाई फाइदा हुनेछ । विशेष काम गर्न बिहानको समय अनुकूल हुनेछ । अग्रजको सहयोग लिँदा राम्रो हुनेछ । तर बेसुरमा वचन दिने बानीले समस्या निम्त्याउनेछ । साझेदारीमा असमझदारी बढ्नेछ । हतारमा निर्णय नलिनुहोला । विशेष योजना सार्वजनिक नगर्नुहोला । दिउँसोदेखि समय केही प्रतिकूल रहनेछ ।

मकर (भो,जा,जी,जू,जे,जो,ख,खी,खू,खे,खो,गा,गी)

अवसर प्राप्त भए पनि आत्मविश्वासको कमीले पछि परिनेछ । प्रयत्न गर्दा रोकिएका काम सम्पादन हुनेछन् । आयस्रोत पनि बढ्नेछ । सहयोगीहरूले काममा साथ दिनेछन् । बाैद्धिक तथा रचनात्मक काममा जुट्ने समय छ । तर वादविवादमा फसिने डरले सताउन सक्छ । बलजफ्ती गर्दा केही नाेक्सान हुन सक्छ । अर्थ अभावले सताए पनि आजको मिहिनेतले भविष्यमा फाइदा दिलाउनेछ ।

कुम्भ(गू,गे,गो,सा,सी,सू,से,सो,दा)

आयस्रोत बढ्नेछ। दिगो काम सुरु गर्ने समय छ । दिउँसोदेखि बौद्धिक कलाको प्रभाव बढ्नेछ । बुद्धिको उपयोगले लक्ष्य प्राप्त हुनेछ । लगनशीलताले उपलब्धिको स्रोत प्राप्त हुनेछ । पहिलेकाे काम पूरा हुनासाथ नयाँ जिम्मेवारी प्राप्त हुनेछ । पहिलेको दुविधाले निर्णायक मोड लिनेछ । काममा शुभचिन्तकहरूले साथ दिनेछन् । तर हतारमा निर्णय लिँदा केही काम दोहोर्याउनुपर्ने हुन सक्छ ।

मीन(दी,दू,थ,झ,ञ,दे,दो,चा,ची)

टाढाका साथीभाइसँग सम्पर्क बढ्नेछ । दिउँसाेदेखि परिस्थिति अनुकूल बन्नाले महत्त्वाकांक्षी काम सुरु हुनेछ । तारिफयोग्य कामले प्रशंसक बढ्नेछन् । मिहिनेतले ज्ञान, कला र व्यक्तित्व निखार्ने समय छ । खर्चिलाे काममा हात हाल्नाले रकम जुटाउन कर्जा लिनुपर्ला । स्वादिष्ट खानपानकाे आनन्द प्राप्त हुनेछ । व्यवसायमा फाइदा कम उठे पनि स्वाभिमानको रक्षा गर्न सफल भइनेछ ।

•