दु:खद खबर : जुम्लामा जीप दुर्घटना, २ जनाकाे मृत्यु
जुम्ला – जुम्लाको कनकासुन्दरी गाउँपालिका वडा नम्बर ४ स्थित छलपुनेरामा जिप दुर्घटना हुँदा दुई जनाको मृत्यु भएकाे छ । नाग्मदेखि मुगु सडक खण्ड अन्तरगत छलपुनेरा भन्ने स्थानमा जुम्लाबाट मुगुतर्फ जाँदै गरेको भे १ ज १०९९ नम्बरको जीप दुर्घटना हुदा दुई जनाकाे मृत्यु भएको हो ।
दुर्घटनामा परि चालक र सहचालक दुवै जनाको घटना स्थलमै ज्यान गएको जिल्ला प्रहरी कार्यालय जुम्लाका सूचना अधिकारी यामवहादुर बुढामगरले बताए । चालक र सहचालकको सनाखत हुन नसकेको उनको भनाइ छ । जिप सडकबाट अन्दाजि ३ सय मिटर तल खसेको छ ।
आईतबार विहान ६ः४५ बजेको समयमा जिप दुर्घटना भएको प्रहरीले जनाएकाे छ । उक्त दुर्घटनाको विषयमा थप अनुसन्धान भई रहेको प्रहरीकाे भनाई छ ।