गुल्मीमा आठ दिनदेखि हराएकी ७० वार्षिय वृद्वा जङ्गलमा मृत भेटिइन्

गुल्मी – गुल्मीमा विगत आठदिन देखि हराएकी ७० वार्षिय वृद्वा जङ्गलमा मृत भेटिएकी छिन् । जिल्लाकाे इस्मा गाउँपालिका-५ इस्मारजस्थल की ७० वर्षीया ज्ञानुमाया बस्नेत साेमबार बिहान जङ्गलमा मृत अबस्थामा भेटिएको जिल्ला प्रहरी कार्यालय गुल्मीले जनाएको छ । 

गत सोमबारदेखि  हराएकी वृद्वा बस्नेत इस्मा गाउँपालिका -०४ कुबिन्ने भन्ने स्थानकाे जंगलमा मृत फेला परेको जिल्ला प्रहरी कार्यालय गुल्मीका प्रमुख प्रहरी उपरीक्षक नवीन किशाेर प्रधानले जानकारी दिए । जङ्गलमा बस्नेत मृत अबस्थामामा देखेर  खबर गरेपछी प्रहरी घटनास्थलमा पुगेको गुल्मीका प्रमुख प्रहरी उपरीक्षक  प्रधानले बताए ।

वृद्वा बस्नेत सम्पर्क बिहिन भएपछी परिवार र आफन्तले खोजतलासी गर्न  इस्मा प्रहरीमा उजुरी दिएका थिए ।  मृतक बस्नेतको जिल्ला  सदरमुकाम तम्घास  स्थित गुल्मी अस्पतालमा पाेष्टमार्टम हुने छ । मृतक ज्ञानुमायाका श्रीमान विगत १७ बर्षदेखि बेपत्ता छन् । घटनाबारे थप अनुसन्धान भइरहेको जिल्ला प्रहरी कार्यालय गुल्मीले प्रहरीले जनाएको छ ।