गुल्मीमा आगामी कात्तिक १५ गतेदेखि २५ गतेसम्म महोत्सव हुने
गुल्मी – गुल्मी उद्योग संघको आयोजनामा आगामी कात्तिक १५ गतेदेखि २५ गतेसम्म औधोगिक एवं ब्यापार मेला महोत्सव हुने भएको छ । महोत्सवमा बिभिन्न औधोगित क्षेत्रबाट उत्पादित सामाग्रीहरुसँगै गुल्मी जिल्लामा बिभिन्न जाती बिशेषका खाना परिकारहरु, बिभिन्न सँस्कृति झल्कीने झाँकीहरु पनि प्रर्दशन गरिने गुल्मी उद्योग संघ अध्यक्ष नवराज भुसालले जानकारी दिए ।
जिल्लामा ठुला उद्योग नभएकाले साना तथा मझौला उद्योगको प्रचारप्रसार गरेर प्रवद्वन गर्ने उदेश्यले ११ दिने मेला महोत्सवको आयोजना गरिएको गुल्मी उद्योग सघ अध्यक्ष भुसालले बताए । महोत्सवमा स्थानीय स्तरबाट उत्पादन भएका सामाग्रीको प्रर्दशन गरिनुका साथै कृषि उत्पादनको प्रर्दशन गरेर बजारीकरणमा टेवा पुर्याउने आयोजकले लक्ष्य राखेको छ ।
महोत्सवबाट गुल्मी जिल्लाको कृषि, घरेलु औधोगिक प्रर्बद्धन सगै पर्यटकीय क्षेत्रहरुको प्रर्बद्धन र प्रचार प्रसार महत्वपुर्ण उदेश्य रहेको आयोजकले जनाएको छ ।
बिगतका बर्षमा गुल्मी उद्योग वाणिज्य सघ र चेम्बर अफ कर्मश गुल्मीले गर्दै आएका थिए । महोत्सव हालसम्म जिल्लाको सदरमुकाम तम्घास बजारस्थित चिदिचौरमा गरिएपनी यसपटकको महोत्सव उपल्लो तम्घासमा हुने भएको छ । चिदिचौर खेलमैदान सौन्दर्यकरण गर्ने भएकाले मेला महोत्सव गर्न रेसुङ्गा नगरपालिकाले रोक लगाएको छ ।