गुल्मीमा ‘रेसुङ्गा युथ फेस्टिभल’ हुने
गुल्मी –गुल्मीमा ‘रेसुङ्गा युथ फेस्टिभल’ हुने भएको छ । सफल डायरिजको आयोजना तथा अन्टेष्ट युवा क्लव, फोर्टिन स्टार युवा क्लव, पुल्चोक स्पोर्टस क्लव, खुकुरी ब्याण्ड, कोब्रा ग्रुप र यङ्ग व्याइजको सह–आयोजनामा फेस्टिभल हुन लागेको शुक्रबार एक पत्रकार सम्मेलनको आयोजना गरी कार्यक्रमबारे जानकारी दिइएको छ ।
असौज ५ र ६ गते हुने प्रतियोगितामा सांस्कृतिक कार्यक्रम, वृत्तचित्र महोत्सव, सडक कला र सङ्गीत एवम् लागुऔषध दुव्र्यसनी विरुद्ध जनचेतनामुलक कार्यक्रम सम्पन्न हुनेछन् । कार्यक्रममा रेसुङ्गा नगरपालिकाभित्रका विद्यालयहरुबीच चित्रकला प्रतियोगिता, राष्ट्रिय कलाकार, व्याण्ड, डिजे स्ट्रिट हिपहल शो, हाँस्य लगायतका प्रस्तुती, राष्ट्रिय र स्थानीय स्तरका कविहरुको प्रस्तुती, गुल्मी जिल्लाभित्रका महत्वपूर्ण स्थानहरुको डकुमेन्ट्री प्रदर्शन, लाखे नाच, सोरठी लगायतका प्रस्तुती प्रदर्शन गरिनेछ ।
त्यसैगरी डब्लु टि एफ्., आइ टि एफ्, क्रिकेट लगायतका खेलमा जिल्ला एवम् देश चिनाउने खेलाडी र स्थानीय र राष्ट्रिय कलाकार सम्मान कार्यक्रम रहेको छ । कार्यक्रम असौज ५ गते बुढाथोकी बसपार्क र असौज ६ गते चिदिचौरमा हुने सफल डायरिजका अध्यक्ष सफल श्रेष्ठले जानकारी दिए ।
