रेसुङ्गा – काठमाडौंको विमान उडान समय तालिका फेरबदल 



गुल्मी – रेसुङ्गा विमानस्थलबाट उडान हुने गुल्मी – काठमाडौंको  समय तालिका फेरबदल गरिएको छ ।  नेपाल वायु सेवा निगम (नेपाल एयरलाइन्स) ले गुल्मीबाट प्रत्येक हप्ताको मङ्गलवार र शुक्रवार रेसुङ्गाबाट उडान भर्दै आएको थियो । तर,  मङ्गलबार यात्रुको संख्यामा कमि आएपछि उडानको समय तालिका नै फेरबदल गरिएको बताइएको छ । 

 अबदेखि रेसुङ्गा विमानस्थलबाट विमानले हप्ताको बुधबार र शुक्रबार उडान गर्ने छ । एयरलाइन्सले पछिल्लो समय सरकारले भ्याट लगाएसँगै भाडादर वृद्धि समेत गरेको हो । जसमा  नयाँ भाडादरअनुसार रेसुङ्गादेखि काठमाडौं ७ हजार ८० रुपैयाँ र काठमाडौंदेखि रेसुङ्गा ७ हजार २ सय ८० रुपैयाँ एयरलाइन्सले भाडादर कायम गरेको छ । 


Advertisement

निगमको १८ सिट क्षमताको जहाजले हप्ताको प्रत्येक बुधवार बिहान साढे ६ बजे काठमाडौँबाट रेसुङ्गा र बिहान साढे ७ बजे रेसुङ्गाबाट काठमाडौँका लागि उडान गर्ने गरी समय निर्धारण गरेको छ । निगमको १८ सिट क्षमताको जहाजले उडान गरिरहेको छ ।नेपाल नागरिक उड्डयन प्राधिकरणले निगमलाई बुधवार र शुक्रवार उडान गर्न अनुमति समेत दिएको छ ।

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन