गुल्मीमा प्रथम ऐतिहासिक महोत्सव सुरु

गुल्मी – कृषि पर्यटन र उद्योगको व्यापार प्रर्वद्धन गर्न उदेश्य सहित गुल्मीमा आजदेखि प्रथम ऐतिहासिक महोत्सव सुरु भएको छ । उद्योग संघ गुल्मीको आयोजनामा ११ दिन संचालन हुने महोत्सवको उद्घघाटन रेसुङ्गा नगरपालिकाका नगरप्रमुख खिलध्वज पन्थीले गरेका हुन् ।

‘उद्योग कृषि र पर्यटनमा उनीएको थुङ्गा, समुन्नत गुल्मीका लागि जाउँ हिड् रेसुङ्गा’ नारा सहित संचालन भएको महोत्सव कात्र्तिक २५ गतेसम्म चल्ने छ । महोत्सवमा संघ संस्थाहरुले विभिन्न झाँकी लगायत र्याली प्रस्तुत गरेका थिए । महोत्सवमा बिभिन्न औधोगित क्षेत्रबाट उत्पादित सामाग्रीहरुसँगै गुल्मी जिल्लामा बिभिन्न जाती बिशेष रहेका खाना परिकारहरु, विभिन्न सँस्कृति झल्कीने झाँकीहरु महोत्सव अवधीभर प्रर्दशनमा राखिने आयोजकले जनाएको छ ।

महोत्सवमासाँस्कृतिक कार्यक्रमहरुसँगै जिल्ला स्थित उत्पादन हुँने कृषि जन्य समाग्रीहरु, मनोरञ्जनात्मक पिङ लगायत विभिन्न औद्योगित क्षेत्रबाट उत्पादित सामाग्रीहरुको बिक्री वितरण राखिएको छ । मेलामा ३ सय वटा स्टल रहेका छन् । त्यसमध्ये ५० वटा स्टल स्थानीय उत्पादनका सामाग्रीको लागि प्रयोग गरिएको छ ।

राखिने भएको गुल्मी उद्योग संघका अध्यक्ष भुसालले नवराज भुसालले जानकारी दिनुभयो । स्थानीय व्यापारीहरुलाई प्रोत्सहान स्वरुप स्टलमा ३० प्रतिशत छुट दिइएको छ । दर्शकको सहजताको लागि तम्घास बजारदेखि महोत्सवस्थल पुग्न आयोजकले निःशुल्क बस सेवा संचालन समेत गरेको छ ।