गुल्मी महोत्सवमा टिकटको ५० प्रतिशत रकम भूकम्प पीडितलाई दिने
गुल्मी – गुल्मीमा सञ्चालन भइरहेको महोत्सवको आज शनिबार हुने कारोबारको टिकटको ५० प्रतिशत रकम जाजरकोटका भूकम्प पीडितहरुको उद्धारका लागि पठाइने भएको छ ।
गुल्मी उद्योग संघको आयोजनामा गुल्मीको सदरमुकामको उपल्लो तम्घासमा सञ्चालन भइरहेको महोत्सवको शनिबार कारोबार हुने टिकटको ५० प्रतिशत रकम भूकम्प प्रभावितहरुको उद्धाराका लागि जाजरकोट पठाइने भएको हो । गुल्मी उद्योग संघको शनिबार बसेको आकस्मिक बैठकले यस्तो निणर्य गरेको हो । भुकम्पमा परी दिवंगत हुनुभएकाहरुमा शोक व्यक्त समेत गरेको छ ।
