गुल्मीमा भुस्याहा कुकुरको टोकाइबाट १७ जना घाइते



गुल्मी – पछिल्लो समय गुल्मीमा भुस्याहा कुकुरको बिगबिगी बढेको छ । भुस्याहा कुकुरले हिडिरहेका मान्छेलाई झम्टिन खोज्ने, साना तथा ठुला मोटरसाइकलको पछिपछि लागेर दुःख दिने र टोक्ने लगायतका समस्या भोग्न सर्वसाधारण बाध्य छन् । जताततै भेटिने त्यस्ता कुकुरले किसानले पालेका पशुचौपाया र मानिसलाई नै टोकेर क्षति पुर्याउने गरेका हुन् । गुल्मीमा दुईदिनको अन्तरालमा भुस्याहा कुकुरले टाेकेर १७ जना घाइते भएका छन् ।

बुधबार र बिहिवार  जिल्लाकाे रुरुक्षेत्र गाउँपालिका र छत्रकाेट गाउँपालिकामा कुकुरले टाेक्दा १७ जना घाइते भएको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक डिल्लीनारायण पाण्डेले जानकारी दिए ।


Advertisement
Advertisement

भुस्याहा कुकुरको टोकाइबाट घाइते भएका १३ बर्सदेखी ७५ बर्ष उमेर समुह रहेको र घाइतेकाे स्थानीय प्राथमिक स्वास्थ्य केन्द्रमा प्राथमिक उपचार गरि मिसन अस्पताल पाल्पामा थप उपचारको लागि पठाइएको प्रहरीले जनाएको छ ।

भुस्याहा कुकुरले जहाँ जस्तो समयमा पनि टोक्न सक्ने भएकाले कुकुरदेखि सावधान रहन जिल्ला प्रहरी कार्यालय गुल्मीले सर्वसाधारणमा आग्रह गरेको छ ।जिल्लाको सदरमुकाम बजारमा सवारीसाधन र मानिसको आवातजावत कम हुने समयमा भुस्याहा कुकुरको गतिविधि बढ्ने गरेको छ । 

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन