बालिकाको बलात्कारपछि हत्या गर्ने युवक पुर्पक्षको लागि जेल चलान

गुल्मी – गुल्मीमा १५ बर्षीय बालिकाको बलात्कारपछि हत्या गर्ने एक युवक पुर्पक्षको लागि कारागार चलान भएका छन् । जिल्लाको चन्द्रकोट गाउँपालिका ४ शान्तिपुरकी १५ बर्षीय मनिषा रुचालको बलात्कारपछि हत्या गर्ने बाँकेको खजुरा गाउँपालिका ७ का २३ बर्षीय रहिस खाँ पुर्पक्षको लागि कारागार चलान भएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।

प्रहरी नायव उपरीक्षक पाण्डेका अनुसार खाँलाई मंसिर ११ गते जिल्ला अदालत गुल्मीको थुनछेक बहसले खाँलाई पुर्पक्षको लागि जेल चलान गरेको हो । कारागार चलान भएका खाँ मदरसा गुल्सने मदिनाका प्रशिक्षक थिए । बालिकाको गत कार्तिक १७ गते विहान ६ बजे शान्तिपुर बजार नजिकैको हुग्दी खोलाको किनारामा नग्न शव भेटिएको थियो । जेल चलान भएका खाँ जबरजस्ती करणी र कर्तवय ज्यान सम्बन्धी मुद्धा दर्ता भएको प्रहरीले जनाएको छ ।