बङ्गलादेशबाट नेपाल ल्याएर बन्धक बनाउने चार जना पक्राउ
" पीडितलाई सकुशल उद्धार गरिएको र पक्राउ परेकामाथि आवश्यक अनुसन्धान तथा कारबाहीका लागि जिल्ला प्रहरी परिसर, टेकु पठाइएको छ । "
काठमाडौँ – काठमाडौँ उपत्यका अपराध अनुसन्धान कार्यालयका अनुसार क्यानडा, इटाली लगायतका देशमा पठाउने भनी बङ्गलादेशबाट नेपाल ल्याएर बन्धक बनाउने बङ्गलादेशका चार जनालाई प्रहरीले पक्राउ गरेको हो ।
नेपाल काठमाडौँ महानगरपालिकाको वडा नम्बर १६ पकनाजोलस्थित निभाना ग्रिन होम नामक होटलको कोठामा राखी पीडितबाट पासपोर्ट नियन्त्रणमा लिएर विभिन्न किसिमका धाकधम्की, कुटपिट गर्नुका साथै आफन्तसँग सम्पर्क गर्न पनि नदिएको खुलेको छ ।
प्रहरीका अनुसार बङ्गलादेश ढाका घर भएका बङ्गलादेशी नागरिक ३८ वर्षीय नुरुल हुडा, ३० वर्षीय एम डी मासुम बिल्लाह, ३१ वर्षीय सामिम अहमद र ३३ वर्षीय प्रणय कुमार देलाई पक्राउ परेका छन्।
पीडितलाई सकुशल उद्धार गरिएको र पक्राउ परेकामाथि आवश्यक अनुसन्धान तथा कारबाहीका लागि जिल्ला प्रहरी परिसर, टेकु पठाइएको छ ।
