गुल्मीमा माटाको ढिस्कोले पुरिएर एक महिलाको मृत्यु
गुल्मी – गुल्मीमा माटाको ढिस्कोले पुरिएर एकजना महिलाको ज्यान गएको छ भने एकजना घाइते भएकी छन् । जिल्लाको जिल्लाको रेसुङ्गा नगरपालिका -१४, पराल्मी चौराहा निवासी ५५ वर्षीया बिष्णु रानाको मृत्यु भएको हो ।
शनिबार दिउँसो १:३० बजेको समयमा घर लिप्ने माटो लिन एकै गाउँका ६ जना गएका थिए । माटो खनिरहेका बेला अचानक ढिस्को खसेर घाइते भएकी विष्णुको गुल्मी अस्पतालमा उपचारको क्रममा मृत्यु भएको प्रहरीले जनाएको छ ।मृतककी जेठानी हुमकला घाइते भएको र बोल्न नसक्ने अवस्थामा रहेकि छन् ।
उनको उपचार गुल्मी अस्पतालमा भइरहेको छ । घटनास्थलमा उद्धारका लागि प्रहरी निरीक्षक किरण सापकोटाको कामना प्रहरीको टोली पुगेको थियो । घटनाबारे थप अनुसन्धान भइरहेको छ ।
