गुल्मीको चन्द्रकोटमा नि:शुल्क स्वास्थ्य शिविर हुने 

गुल्मी  – गुल्मीको चन्द्रकोट गाउँपालिकाले एकदिने बृहत नि:शुल्क स्वास्थ्य शिविर आयोजना गर्ने भएको छ ।आगामी जेठ ४ गते जनप्रतिनिधिले पदभार ग्रहण गरेको  दिनको अवसरमा नि:शुल्क स्वास्थ्य शिविर आयोजना गरिएको गाउँपालिकाले जनाएको छ ।

आर्थिक अवस्था कमजोर भएका कारणले उपचारबाट बन्चित भएका नागरिकलाई स्वास्थ्य सेवामा पहुँच पुर्याउने लक्ष्यले शिविर संचालन गर्न लागिएको गाउँपालिका अध्यक्ष युवराज खत्रीले जानकारी दिए । गाउँपालिकाले नियमित कार्यक्रम अन्तर्गत एकीकृत स्वास्थ्य घुम्टी शिविर संचालन गर्दै आएको छ,´उनले भने`´आर्थिक अवस्था कमजोर भएर उपचारबाट बन्चित भएका नागरिकलाई गाउँ तहमै विशेषज्ञ सहितको स्वास्थ्य सेवा प्रदान गर्न लागिएको हो , गाउँपालिका भित्रका अशक्त गरिब नागरिकलाई उक्त शिविर थप प्रभावकारी र सहज हुनेछ।