राष्ट्रिय स्वास्थ्यकर्मी महासंघ गुल्मीको अध्यक्षमा अर्याल
गुल्मी – राष्ट्रिय स्वास्थ्यकर्मी महासंघ गुल्मीको अध्यक्षमा बोम अर्याल निर्वाचित भएका छन् । स्वास्थ्यकर्मीहरुको तेस्रो अधिवेशनबाट अर्यालको अध्यक्षतामा २१ सदस्यीय जिल्ला कार्यसमिति चयन गरिएको हो ।
समिति उपाध्यक्षमा इन्द्रदेव पौडेल, बसन्ता ज्ञवाली, सचिव केपी भण्डारी, कोषाध्यक्ष अनन्तराम अधिकारी र सह–सचिव पुस्कार गौतम चयन भएका हुन् । स्वास्थ्यकर्मीहरुका हकहितको बारेमा आवाज बुलन्द गर्ने उदेश्यले महासंघको गठन गरिएको जनाइएको छ ।
स्वास्थ्यकर्मीहरुका विभिन्न समस्याका बारेमा संगठनले सधै वकालत गर्ने नवनिर्वाचित अध्यक्ष अर्यालले बताए ।
