एमाले गुल्मीको १२ औं जिल्ला अधिबेशन सुरु

गुल्मी – नेपाल कम्युनिस्ट पार्टी (नेकपा) एमाले गुल्मीको १२ औं जिल्ला अधिबेशन मंगलबारदेखि सुरु भएको छ । जिल्लाको सदरमुकाम तम्घासमा आयोजित अबिधेशनको एमाले पार्टी उपमहासचिव प्रदीप कुमार ज्ञवालीले एक समारोहका बीच समुद्धघाटन गरेका हुन् ।

१२ औं अबिधेशनका लागि जिल्लाका ९३ वटाबाट प्रतिनिधि छनोट भएर तम्घासमा आएका छन् । जेठ २९ र ३० गते दुई दिनसम्म अबिधेशन एमाले गुल्मीले जनाएको छ । अधिवेशनमा नेकपा एमाले सचिव तथा गुल्मी क्षेत्र नम्बर २ का सांसद गोकर्णराज बिष्ट गृह जिल्ला आएका छन् । त्यस्तै एमाले पार्टी सचिव तथा लुम्बिनी प्रदेश इन्चार्ज पद्या अर्याल,पोलिट व्युरो सदस्य तथा गुल्मी इन्चिार्ज सूर्य थापा र लुम्बिी प्रदेश राधाकृष्ण कडेल सहित केन्द्रिय सदस्यहरु, प्रदेशका नेताहरु कार्यक्रम सहभागि छन् ।

त्यस्तै अधिवेशनमा जिल्लाभरबाट करिब ७ सय प्रतिनिधी सहभागि हुने सचिव श्रीपालीले बताए ।अधिवेशनबाट आगामी ३ वर्षका लागि १ सय ५ जनाको जिल्ला कमिटी निर्वाचित हुनेछ ।
जसमध्ये ५ जनाको पदाधिकारी हुनेछ । नेकपा एमाले गुल्मीमा १० हजार बढी संगठीत सदस्य रहेको पार्टीले जनाएको छ ।अधिबेशनले नयाँ नेतृत्वसमेत चयन गर्ने भएकाले यतिबेला गुल्मीको राजनितिक माहोल तातेको छ । यस पटकको अधिबेशनलाई केन्द्रदेखि गाउँ तहमा फरक र महत्वका साथ
हेरिएको छ ।

जिल्ला अध्यक्षमा निबर्तमान अध्यक्ष बालसिंह काउछा र लुम्बिनी प्रदेश सदस्य हिरा अर्याल क्षत्री आकांक्षी देखिएका छन् । नयाँ र युवा नेतृत्वले पार्टी र जिल्ला हाक्न सक्ने कतिपय नेता बताउँछन् ।
अधिवेशनका लागि प्रमुख अतिथि पुर्व प्रधानमन्त्री तथा एमाले पार्टी अध्यक्ष केपी शर्मा ओली आउने कार्यक्रम रहेको थियो । तर, अध्यक्ष ओलीको स्वास्थ्यमा समस्या देखिएकाले उनी जिल्लाको १२ औं अधिबेशनमा सहभागी हुन नसकेको गुल्मी एमालेले जनाएको छ ।