गुल्मीमा ६२ वर्षीय पुरुषको शव फेला

गुल्मी –  गुल्मीमा एक पुरुषको शव फेला परेको छ। जिल्लाकाे इस्मा गाउँपालिका वडा नम्बर १ जुकेपानीका ६२ वर्षीय ठगबहादुर रानाको शव फेला परेको जिल्ला प्रहरी कार्यालय गुल्मीले जनाएको छ ।

बिगत चार दिनदेखि सम्पर्क बिहिन भएका रानाको सोमबार दिउँसो मुसिकोट नगरपालिका वडा नम्बर २ टारीडाँडाका पाटा स्थित खेतको पाखामा मृत अबस्थामा फेला परेको जिल्ला प्रहरी कार्यालय गुल्मीका सूचना अधिकारी तथा प्रहरी नायब उपरीक्षक शंकर पोखरेलले जानकारी दिए ।

गत जेठ ३२ गते बिहान राना घरबाट खेतमा जान्छु भनि हिडेकका थिए । तर, उनी घर नफर्किएपछि आफन्त र परिवारले खोजी कार्यको लागि प्रहरी समक्ष पुगेका थिए । प्रहरीले खोजी कार्यलाई तीब्र पारेको थियो ।

शवको जिल्ला प्रहरी कार्यालय गुल्मीका प्रहरी निरीक्षक सुर्यभान चौधरीको कमाण्डमा रानाको शवलाई पोस्टमार्टमको लागि गुल्मी अस्पतालमा ल्याएको थियो ।रानाको  घटनाबारे थप अनुसन्धान भइरहेको प्रहरी जनाएको छ ।