गुल्मीको मालिकामा एक जना महिला मृत फेला
गुल्मी – गुल्मीमा एक जना महिला मृत फेला परेकी छन् । जिल्लाको मालिका गाउँपालिका -४ स्थित पर्यटकीय क्षेत्र मालिका पिस पार्क पश्चिम गेटमा गीता अर्याल मृत भेटिएको जिल्ला प्रहरी कार्यालय गुल्मीका प्रहरी नायब उपरीक्षक चिरञ्जीवी दाहालले जानकारी दिए ।
दाहालका अनुसार ४० बर्षीय अर्याल मालिका गाउँपालिका –८ डक्सुमारे की हुन् ।उनी विगत सात बर्षदेखि माइतिघरमा बस्दै आएकी थिइन् । शनिबार बिहान पार्कमा सरसफाइको काम गर्ने निमलाल अर्याललले अचेत अवस्थामा फेला परेको भनेर प्रहरीलाई जानकारी गराएका थिए ।
महिलाले अत्याधिक मापसे गरी हिड्ने गरेको स्थानीय मार्फत बुझिएको प्रहरीले जनाएको छ । घटनाबा बारे थप अनुसन्धान भइरहेको प्रहरीले जनाएको छ ।