इस्मा गाउँपालिकाद्वारा २६ जना जेष्ठ नागरिक सम्मानित

अनिल खत्री / गुल्मी – गुल्मी जिल्लाको इस्मा गाउँपालिकाले जेष्ठ नागरिकलाई सम्मान गरेको छ । सोमबार पालिकाको वडानम्बर २ मा छल्दीमा आयोजित कार्यक्रममा पालिका उपाध्यक्ष पार्वती कुँवर, वडानम्बर २ का वडाअध्यक्ष लोकनाथ आचार्य, आशा अपांग केन्द्र गुल्मीका उपाध्यक्ष गंगा रायमाझीले जेष्ठ नागरिकलाई सम्मान स्वरुप हर्लिक्स, च्यावनप्रास र छाता वितरण गरिएको हो ।

पालिकाको वडानम्बर २ मा रहेका ८६ वर्ष माथिका २६ जना जेष्ठ नागरिकलाई सम्मान स्वरुप स्वास्थ्यवर्दक सामाग्री प्रदान गरिएको वडाअध्यक्ष आचार्यले बताए । जेष्ठ नागरिकको स्वास्थ्य परिक्षणसँगै स्वास्थ्य परामर्श समेत प्रदान गरिएको थियो ।जेष्ठ नागरिकसँग पालिका सँगसँगै छ भन्ने सन्देश प्रवाह गर्न सामाग्री प्रदान गरिएको गाउँपालिका उपाध्यक्ष पार्वती कुँवरले बताइन ।

इस्मा गाउँपालिकाले ६ वटै वडामा पुगेर जेष्ठ नागरिकलाई सम्मान गर्ने कार्यक्रममा राखेको छ । त्यस्तै गाउँपालिकाले प्रत्येक वडामै पुगेर अपांगत परिचयपत्र नविकरण र नयाँ वितरण कार्य गर्दै आएको छ ।आइतबार वडानम्बर १ बाट सुरु गरिएको अभियान सोमबार वडानम्बर २ मा गरिएको छ ।