उज्यालो बहुउद्देश्यीय सहकारी संस्थाको अध्यक्षमा हिरा
गुल्मी – उज्यालो बहुउद्देश्यीय सहकारी संस्था लिमिटेडको अध्यक्षमा हिरा ए सी सर्वसम्मत निर्वाचित भएका छन् । शनिबार सहकारीको चौथो साधारण सभाबाट ए सीकाे अध्यक्षतामा सर्वसम्मत नौ सदस्यीय नयाँ कार्यसमिति चयन गरिएको हो ।
समितिको उपाध्यक्षमा टामलाल के. सी, सचिव भरत चन्द,सहसचिव विमल छन्तेल,काेषाध्यक्षमा विन्दू पन्थी सर्वसम्मत निर्वाचित भएका छन् । समितिको सदस्यमा हिमालय के. सी.,भगवती थापा,सीता भुसाल सापकाेटा ,सालिकराम बस्नेत रहेका छन् । त्यस्तै प्रकाश चालिसेको संयाेजकत्वमा लेखा सुपरिवेक्षण समिति सर्वसम्मत चयन गरिएको छ । लेखा सुपरिवेक्षण समिति सदस्यमा एलिजा थापा श्रीस र कृष्ण बहादुर पाण्डे छन् ।
साधारणसभाको चन्द्रकोट गाउँपालिका प्रमुख युवराज खत्री क्षेत्रीले उद्घाटन गरेका थिए । सहकारीले माध्यमिक तहको परिक्षामा उत्कृष्ट अंक ल्याउने सेयर सदस्यका छोराछोरी र असल तथा नियमित बचतकर्तालाई सम्मान गरेको छ । चौथो साधारणसभामा उत्कृष्ट अंक ल्याउने आकृती मरासिनी, बबिता भुसाल , नियमित वचतकर्तातर्फ प्रदीप छन्त्याल , दैनिक बचतकर्ता लक्ष्मण बन्जाडे , दैनिक असल बचतकर्ता सीता भुसाल भण्डारी सम्मानित भएका छन् ।

पछिल्लो समय केही सहकारी संचालक र कर्मचारीले गरेको खराब प्रवृत्तिका कारण देशभरका सहकारीले बदनामी बन्नु परेको चन्द्रकोट गाउँपालिकाका अध्यक्ष युवराज खत्रीले बताए ।कृषि सामाग्रीको संकलन ,प्रशोधन र बजारीकरणको उदेश्य बोकेको सहकारीले सानो लगानीबाट ठूलो उपलब्धि हासिल गरेको बताउँदै अध्यक्ष खत्रीले सतहमा देखिएका समस्या पहिचान गरेर समाधान खोज्दै सकारात्मक बाटो पैदा गरेमा सहकारी सफल हुनेमा जोड दिए ।
सहकारीको चौथो साधारणसभाको प्रमुख अतिथि समेत रहेका खत्रीले सहकारी सस्था स्थापना भएको छोटो समयमै गरेको प्रगतिको प्रशंसा गर्दै युवालाई उद्यमशिलाता सङ्ग जोडेर अगाडि बढ्न आग्रह समेत गरेका छन् ।
३० असार २०७७ सालमा भूमि ब्यावस्था कृषि तथा सहकारी मन्त्रालय लुम्बिनी प्रदेशमा दर्ता सहकारीले सदस्य बिस्तारको लागि गुल्मी र अर्घाखाँची उद्यमशिल तथा ब्यापार बिस्तारको लागि पाल्पा र अर्घाखाँची तोकिएको छ ।
सहकारीले स्थापना कालदेखी २०८० असार मसान्तसम्म दुई करोड १६ लाख २५ हजार पाँच सय १७ रुपैयाँ बचत रकम संकलन गरेको छ । त्यस्तै दुई करोड २२ लाख ६६ हजार सेयर पुँजी निर्माण गरेको संस्थाले गत असार मसान्तसम्म चार करोड २८ लाख ३१ हजार दुई सय ६६ रुपैयाँ ऋण लगानी गरेको छ । गाउँमा कृषि उपजको बजारीकरण कृषि सामाग्रीको संकलन , प्रशोधन र बजारीकरणको सहकारीले तयारी थालेको छ । यस सहकारी संस्थामा पाँच सय २१ सदस्य आवद्ध रहेका छन् ।