गुल्मीका एक दम्पती एकैपटक शाखा अधिकृतमा सिफारिस



गुल्मी: लोकसेवा आयोगको परीक्षा पास गरेर गुल्मीका एक दम्पती एकैपटक शाखा अधिकृतमा सिफारिस भएका छन्। धुर्कोट गाउँपालिका-६ का सुरेन्द्र पाण्डे र श्रीमती रमिता विष्टले एकैपटक लोकसेवा पास गरेर शाखा अधिकृत पदमा सिफारिस भएका हुन्।

आयोगले मंगलबार सार्वजनिक गरेको नतिजाअनुसार सुरेन्द्र लेखापरिक्षण र रमिता सामान्य प्रशासन सेवामा सिफारिस भएका छन्। २०७४ मा खरिदारबाट निजामती सेवामा प्रवेश गरेका सुरेन्द्र गत वर्ष नायब सुब्बामा बढुवा भएका थिए भने रमिता २०७६ मा खरिदारबाट निजामती सेवा प्रवेश गरी गत वर्ष खुल्ला प्रतिस्पर्धाबाट नासुमा सिफारिस भएकी थिइन्।


Advertisement
Advertisement

उनीहरुसँगै यो वर्ष गुल्मीबाट एकैपटक १३ जनाले शाखा अधिकृतमा नाम निकालेका छन्। मंगलबार सार्वजनिक भएको नतिजाअनुसार नेपाल प्रशासन सेवा, नेपाल लेखापरिक्षण सेवा र संघीय संसद् सेवा अन्तर्गतको अधिकृत पदमा गुल्मीबाट खुलातर्फ ११ र महिलातर्फ २ जना शाखा अधिकृतमा सिफारिस भएका छन्।

७७ जिल्लामध्ये यो वर्ष गुल्मीबाट सिफारिस हुनेको संख्या सबैभन्दा धेरै हो। आर्थिक वर्ष २०७९/८० मा पनि निजामतीमा स्थायी जागिर खानेमा गुल्मी अगाडि रहेका लोक सेवा आयोगले प्रतिवेदन सार्वजनिक गरेको थियो।

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन