गुल्मी – वषौंदेखि लालपूर्जा नभएका नागरिकको लागि गुल्मीको रेसुङ्गा नगरपालिकाले निस्सा वितरण गर्न सुरु गरेको छ । नगरभित्र रहेका भूमिहीन दलित र सुकुम्बासीलाई लालपूर्जा वितरण गर्ने लक्ष्य सहित निस्सा वितरण सुरु गरिएको हो । लालपूर्जा वितरणका लागि नगरपालिका भित्रका भूमि दलित ४८ जना, भूमि सुकुम्वासी ४४ र अव्यवस्थित बसोबासी तीन सय १३ जना गरी चार सय पाँच जनालाई निस्सा वितरण गरिएको रेसुङ्गा नगरपालिकाले जनाएको छ ।लालपुर्जाको आशमा लाभग्राहीरेसुङ्गा नगरपालिकाले निस्सा वितरण गरेसंगै लालपुर्जा पाउने आशमा लाभग्राही उत्साहित बनेका छन् । नगरपालिकाले झण्डै पाँच सय भूमिहीन दलित, भूमिहीन सुकुम्वासी र अव्यवस्थित बसोबासीलाई निस्सा वितरण गरेको छ । वषौंदेखि लालपूर्जा नभएकाहरु सपना नगरपालिकाले पुरा गरिदिने भएपछि उनीहरुमा थप उत्साह थपिएको छ । निस्सा पाएका लाभग्राहीहरुको थप अनुगमन गरेर जग्गा वितरणका लागि नाँपजाँच गर्ने कार्य अगाडि बढ्ने नगरप्रमुख खिलध्वज पन्थीले बताए ।“लामो समयसम्म सुकुम्वासीको रुपमा बस्दै आएका नागरिकले निस्सा प्राप्त गरेसँगै लालपुर्जा पाउने बाटो खुलेको छ, ‘नगरप्रमुख पन्थीले भने’ ‘संविधानले प्रत्याभूत गरेको अधिकार बमोजिम भूमिहीन दलित र सुकुम्बासीलाई लालपूर्जा वितरणका लागि नगर अगाडी बढेको छ ।” जिल्लाका १२ स्थानीय तहमा दुई हजार पाँच सय ९९ लाभग्राही भएको तथ्यांक रहेको छ । भूमिहीन दलित तीन सय आठ, भूमिहीन सुकुम्वासी दुई सय ६१ र अव्यवस्थित बसोबासी दुई हजार ३० गरी कुल दुई हजार पाँच सय ९९ लाभग्राही रहेका छन् ।
मनोज कार्की कार्की गुल्मी खबरका संचालक हुन् । समसामयिक विषयमा कलम चलाउँदै आएका कार्कीले गुल्मी लगाएत आसपासका क्षेत्रबाट विभिन्न विषयहरुमा रिपोर्टिङ गर्दै आएका छन् ।
