मकै र काँक्राको बीउ इस्माका अग्नि पीडितलाई सहयोग



गुल्मी – गुल्मी जिल्लाको इस्मा गाउँपालिकाका अग्नि पीडितलाई मकै र काँक्राको बीउ सहयोग गरिएको छ । तम्घास निवासी ‘गाउँले किसान भेट’का सञ्चालक महेन्द्र पोखरेलले मनकामना जातको मकै र काँक्राको बीउ प्रदान गरेका हुन् ।

आगलागीले मकै छर्ने समयमा बीउ जलेर सखाप भएपछि पोखरेलले २६ जना अग्निपीडितलाई बिउ सहयोग गरेका हुन् । ८ वैशाखमा सामुदायिक वनबाट फैलिएको आगो बस्तीमा पुग्दा लाखौंको क्षति भएको छ ।


Advertisement

पोखरेलले आगलागीमा परेर घाइते भएका पशुचौपायलाई   आवश्यक नि:शुल्क औषधि वितरण गरेका छन् ।आगलागीबाट जलेका पशुहरुको गोठमै पुगेर पशु उपचार सेवा उपलब्ध समेत गराएका छन् ।

आगलागीबाट जलेका पशुहरुको गोठमै पुगेर पशु उपचार सेवा दिदैं गाउँले किसान भेटका सञ्चालक महेन्द्र पोखरेल तस्बिर : गुल्मी खबर

इस्मा गाउँपालिका -२ को सिदुङखा, हाडीखोला, मैनडाँडा, वडा नम्बर–४ को कोटकोटेरी टिम्लेखर्क, मडकिन र वडा नम्बर–६ को बुल्ममा आगलागीबाट २६ वटा घर गोठ जलेर नष्ट भएका छन् । ५६ पशुचौपाय जलेका छन् । एउटा ट्याक्टरमा आगलागी हुँदा २ जना व्यक्ति घाइते भएका छन् ।

यो पढेपछि तपाईलाई कस्तो लाग्यो ?



Advertisement
विज्ञापन