गुल्मीमा प्रथम रेसुङ्गा मेयरकप फुटबल प्रतियोगिता हुने
गुल्मी – गुल्मीमा प्रथम रेसुङ्गा मेयरकप फुटबल प्रतियोगिता सञ्चालन हुने भएको छ । रेसुङ्गा नगरपालिका कार्यपालिकाको बैठकको निर्णयानुसार रेसुङ्गा नगर स्थापना दिवसको अवसरमा वडास्तरीय प्रथम रेसुङ्गा मेयरकप फुटबल प्रतियोगिता हुने भएको हो ।
बैशाख २४ गतेदेखि २७ गतेसम्म चिदिचौरमा पुरुषहरु बिच खेल सञ्चालन हुने छ। नगरपालिका भित्रका सम्पूर्ण वडा कार्यालयहरुले आफ्नो वडाबाट प्रतिनिधित्व हुने गरी प्रतियोगितामा खेलाडी सहभागी हुने छन् ।
वडाका स्थायी वासिन्दा पुरुष खेलाडीहरु मध्येवाट एक टिममा १६ जना खेलाडी हुने छन भने १ जना टिम कोच र १ जना अफिसियल सहित १८ जना सहभागी हुन पाउनेेछन् । वडा अध्यक्षको सिफारिस सहित खेलाडीको नाम नाम विवरण बैैशाख १७ गतेसम्म उपलब्ध गराउनुपर्ने नगरपालिकाले जनाएको छ ।
जिल्लाको रेसुङ्गा नगरपालिकाले गत बैशाख १० गते एक सुचना जारी गर्दै प्रत्येक वडाको खेलाडी सहितको विवरण शिक्षा शाखामा उपलब्ध गराउन अनुरोध गरेको छ । 
