गुल्मीमा माहुरीपालन प्रविधि सम्बन्धि क्षमता अभिवृद्धि तालिम



गुल्मी – मौरी पालन व्यावसायमा देखिएका समस्या र समाधानका उपायको जानकारी दिने हेतुका साथ गुल्मीमा माहुरीपालन प्रविधि सम्बन्धि क्षमता अभिवृद्धि तालिम प्रदान गरिएको छ । जिल्लाको धुर्कोट गाउँपालिका ५ बस्तुमा वस्तु सामुदायिक विकास केन्द्रको आयोजना र कृषि ज्ञान केन्द्रको सहयोगमा एक दिने तालिम संचालन गरिएको हो ।


Advertisement

गुल्मी जिल्लालाई मौरी र महमा आत्मनिर्भर बनाउने उदेश्य सहित आफूहरु अगाडी बढिरहेको सफल युवा माहुरी व्यावसायी तथा कृषक चुमा घर्तिमगरले बताए । जिल्लामा रहेका वन जंगलमा मौरीलाई मह उत्पादनको लागि आवश्यक पर्ने प्राकृतिक फूल तथा आहार प्रसस्त रहेको बताए । पहिचानको अभावमा खेर गईरहेका प्राकृतिक वनस्पतिको संरक्षण र सदुपयोग गर्नका लागि मौरी व्यावसाय उत्तम रहेको उनको भनाई छ । सबैभन्दा सजिलो पेशा मौरी पानल व्यावसाय रहेको बताउँदै उनले बजारमा मह र मौरीको माग बढ्दो रहेकाले यसको व्यावसायीक पालन गरी स्वदेशमै मनग्य आम्दानी गर्न सकिने घर्तिले बताए ।

समाजमा केही गर्छु भन्ने हुटहुटी भएपनि हल्लाले उनीहरुको मनोबल नै गिरेको धुर्कोट गाउँपालिका ५ का वडाअध्यक्ष केशव भण्डारीले बताए । मौरीलाई मह उत्पादनको लागि आवश्यक पर्ने
चिउरी,तोरी तथा विभिन्न प्रजातीका फूलहरु जंगल तथा बारीमा रोपेर यसको व्यावसायीक पालनमा लाग्ने कृषकलाई वडा कार्यालयले आवश्यक सहयोग गर्ने वडाध्यक्ष भण्डारीले प्रतिवद्ध गरे । आगामी गाउँपालिकाको नीति तथा कार्यक्रममा कृषकका आवश्यकता अनुसारका कार्यक्रमलाई जोड्दै कृषिमा केही नयाँपन दिने उनले बताए ।

उद्यमशिलता र व्यावसायिक विकासको लागि मागका आधारमा कृषकलाई ज्ञान सिप र आवश्यक तालिम प्रदान गर्दै आएको कृषिज्ञान केन्द्र गुल्मीका कार्यालय प्रमुख नवराज भण्डारीले बताए । उनले पछिल्लो समय जनस्तरमा कृषि कार्य घट्दो र कार्यक्रमहरुको मागमा कम हुदैँ गएको बताए । ज्ञान केन्द्र मार्फत
विभिन्न स्थानमा संचालन गरिएका तालिम तथा कार्यक्रमले नागरिकको जीवनस्तरमा सुधार र व्यासायीक बनाएको
उनले खुसि व्यक्त गरे ।

माहुरीपालन कृषकको लागि प्रविधि सम्बन्धि क्षमता अभिवृद्धि तालिम निकै प्रभावकारी रहेको समाजसेवी महेन्द्र भण्डारीले बताए । कृषि तथा पशुपालनको कर्मबाट भविष्य खोजिरहेका कृषकलाई सबै ज्ञान,सिप र तालिमको अभाव देखिरहने बताउँदै भण्डारीले सबै कृषक एक्यवद्धता भएर व्यावसायीक मौरी पालन गर्न सकेमा स्वदेशमै मनग्य आम्दानी गर्न सकिने बताए । धुर्कोट ५ बस्तुका केही घरमा रहरै रहरमा मौरी पालन गरेको भएपनि यसबारेमा आफूहरुलाई केही ज्ञान नरहेको सहभागीले बताएका छन् ।

व्यावसायिक र सफल बन्नको लागि तालिम,सिप र ज्ञान आवश्यक रहेको बताउँदै सहभागीले आगामी दिनमा थप यस्ता कार्यक्रममा जोड दिन माग गरेका छन् । माहुरीपालक कृषकको लागि क्षमता अभिवृद्धि तालिम प्रभावकारी रहेको उनीहरुले बताए । तालिममा ३५ जना सहभागिता रहेको थियो ।

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन