गुल्मीको एक विद्यालयमा भल पसेर पुर्ण क्षति



गुल्मीमा गएराती भल पसेर पुर्ण क्षती भएको चन्द्रकोट गाउँपालिका - ८ स्थित बाल बिकास आधारभूत विद्यालय तस्बिर : मनोज कार्की /गुल्मी खबर

गुल्मी – गएराती भल पसेर गुल्मीको एक विद्यालयमा पुर्ण क्षति  पुगेको छ ।जिल्लाको चन्द्रकोट गाउँपालिका–८ कालिकागाउँ  स्थित बालबिकास आधारभूत विद्यालयमा क्षति पुर्याएको हो ।

विद्यालय परिसर नजिकै बग्ने खोल्साबाट अनियंत्रित भएर आएको भलले भौतिक संरचनामा पुर्ण क्षति पुर्‍याएको  विद्यालयका प्रधानाध्यापक नीता रानाले जानकारी दिइन् । प्रधानाध्यापक रानाका अनुसार विद्यालय र कक्षा कोठामा पानी र भल पसेको छ । भल कक्षा कोठामै पसेपछि  विद्यार्थी बसेर पढ्ने वातावरण नभएकाले बुधबार विद्यालय बन्द गरिएको छ ।


Advertisement

विद्यालयमा निर्माण गरिएका संरचना र विद्यार्थीको सिकाइमा आवश्यक पर्ने शैक्षिक सामाग्रीलाई भलले पुरेको छ । विद्यालय बन्द गरेरे भल तर्काउने पुरेका सामाग्री निकाल्ने काम स्थानीयको सहयोगमा भएको प्रधानाध्यापक रानाले बताइन् । उनले माटो र ढुङ्गा सहित गेग्रेटा धेरै भएकाले विद्यालयका टिन र बेञ्च निकाल्न कठिन परेको बताइन् ।

पुनः सोही विद्यालयमा भएको क्षतिको  व्यावस्थापन गरेपनी यो बर्खायामको समय भएकाले त्यहाँ विद्यार्थीको पठनपाठनमा थप समस्या देखिएको स्थानीयको भनाइ छ ।

दुई वर्षअघि मोटरबाटो खनिएसंगै गतवर्ष पहिरो खस्दा पनि यस विद्यालयमा केही क्षति पुगेको स्थानीय बताउँछन्  । ठूलो पानी परेको समयमा आउने भलले बिद्यालयमा पटक – पटक क्षति हुँदै आएको छ । त्यस स्थानमा पुनः विद्यालय सञ्चालन गर्न नसकिने भन्दै अन्य सुरक्षीत स्थान खोज्न जरुरी रहेको प्रधानाध्यापक रानाले बताइन् ।

बालबिकास आधारभूत विद्यालयमा हाल ४० जना विद्यार्थी अध्ययनरत छन् । गाउँमा जनजातीको बाहुल्यता भएकाले यस विद्यालयमा अध्ययन गर्ने विद्यार्थी कुमाल समुदायका छन् ।

कक्षा कोठामा हिलो पसेकाले डेस्क र बेन्च नै पुरेको चन्द्रकोट गाउँपालिका -८ का वडाध्यक्ष फणिन्द्र राज अर्यालले जानकारी दिए । बिगत दुईबर्ष अघिपनि भल पसेर विद्यार्थीको पठनपाठन तथा विद्यालयमा क्षति पुर्‍याएको वडाध्यक्ष अर्यालले बताए ।

´विद्यालय भन्दा माथिको भूगोल अत्यन्तै जोखिम रहेकोले तत्काल पसेको गेग्रेटो र भल नियन्त्रणमा कठिन देखिएको छ` ´वडाध्यक्ष अर्यालले भने` पहिरो र भलको जोखिम नियन्त्रणका लागि गाउँपालिका र प्रदेशले सहयोग गरेपनि बर्षातको समयमा यस्तो समस्या विद्यालयले भोग्दै आएको छ । विद्यालय भन्दा माथिको भूगोल अत्यन्तै जोखिम र  तत्काल भलको नियन्त्रण गर्न नसकिने भएकाले बिहिवारदेखि स्थानीयको घरमा राखेर विद्यार्थीलाई पठाउने तयारी भएको प्रधानाध्यापक रानाले जानकारी दिइन् ।

हेर्नुहोस भलले पुर्ण क्षति पुर्‍याएको विद्यालयका तस्बिर 

 

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन