गुल्मीदरबार गाउँपालिकाको स्कार्पियो अर्घाखाँचीमा दुर्घटना

गुल्मी – लुम्बिनी प्रदेशको राजधानी दाङबाट गुल्मी फर्कदै गरेको स्कार्पियो अर्घाखाँचीमा दुर्घटना हुँदा वडाध्यक्ष सहित तीनजना घाइते भएका छन् । गुल्मीको गुल्मीदरबार गाउँपालिकाको लु १ ज ४२५ नम्बरको स्कार्पियो अर्घाखाँचीको पाणिनी गाउँपालिकामा -७ रिब्दीमा दुर्घटना भएको प्रहरीले हो ।

गुल्मीदरवार गाउँपालिकाका – ७ का वडाध्यक्ष तथा प्रवक्ता सालिकराम टण्डन, छत्रदेव गाउँपालिका -६ का वडाध्यक्ष तथा प्रवक्ता कमल पौडेल र सवारी चालक हिमाल राना सवार रहेको गुल्मी दरबार गाउँपालिकाको राजश्व शाखा प्रमुख प्रकाश थापाले जानकारी दिए ।

स्कार्पियो दुर्घटनामा परेर घाइते भएका तीनै जनाको उपचार अर्घाखाँची अस्पतालमा भइरहेको छ । स्कार्पियो सडकबाट करिव ३ सय मिटर तल खसेको छ । दुर्घटनामा घाइते हुनेहरुको अवस्था सामान्य रहेको प्रहरीले जनाएको छ ।

उनीहरु गाउँपालिका राष्ट्रिय महासघंले आयोजना गरेको लुम्बिनी प्रदेशका स्थानीय तहका प्रवक्ता लागि स्थानीय सरकार संचालन सम्बन्धी दुई दिने अभिमुखीकरण कार्यक्रम सहभागी भएर फर्कदै थिए ।स्कार्पियो गाडी सडकदेखी तल खसेर भिरमा अड्किएको छ । सवारीमा ठूलो क्षती देखिएको छ ।