गुल्मीको मुसिकोट १ मा ११७२ मत गणना हुँदा काङ्ग्रेसको अग्रता
गुल्मी – गुल्मीको मुसिकोट नगरपालिका १ मा वडाध्यक्ष पदका लागि भएको निर्वाचनको मतगणना भैरहेको छ । आइतबार राती ८ बजेबाट मत गणना गरिने भनिएपनी ९ बजेपछि मात्रै सुरु भएको थियो । राती १० :३० सम्म १ हजार १ सय ७२ मत गणना गरिएको छ ।
नेपाली काङ्ग्रेसका उम्मेदवार आनन्द श्रेष्ठ ५५०, एमालेका उम्मेदवार दलबहादुर थापाले ५२० मत प्राप्त गरेका छन् ।त्यस्तै माओवादीका उम्मेदवार दुर्गा बि.क ५९ , राष्ट्रिय स्वतन्त्र पार्टीका उम्मेदवार बिकास थापाले २७ मत प्राप्त गरेका छन् ।त्यस्तै राष्ट्रिय प्रजातान्त्र पार्टीका उम्मेदवार ईश्वरी खाती क्षेत्रीले ४ मत प्राप्त गरेका छन् ।
स्वतन्त्र हात मिलाएको चिन्नले १ मत प्राप्त गरेको छ भने दुई स्वतन्त्र उम्मेदवारले खाता समेत खोलेका छैनन् । ११ सय ७२ मत गणना हुँदा बदर मत ११ रहेको मुख्य निर्वाचनको कार्यालयले जनाएको छ । हाल सम्मको मत परिणाम अनुसार काङ्ग्रेसका उम्मेदवार श्रेष्ठले ३० मतले अग्रता लिएका छन् ।
वडामा ४ हजार ९१ जना मतदाता रहेका छन् । दुई हजार तीन सय ३४ कुल मत खसेको छ । जसमा एक हजार ४० पुरुष र एक हजार दुई सय ९४ महिलाले मतदान गरेका छन् । ५७ दशमलव ०५ प्रतिशत मत खसेको मुख्य निर्वाचन अधिकृतको कार्यालयले जनाएको छ ।वडाअध्यक्ष का लागि ८ जना चुनावी प्रतिस्पर्धामा छन् । पाँच जना विभिन्न राजनीतिक दलका उम्मेदवार छन् भने तीनजना स्वतन्त्र उम्मेदवार रहेका छन् ।
