३ वर्ष वित्दा समेत बनेन् ग्वागा स्वास्थ्य चौकीको भवन



गुल्मी – गुल्मी जिल्ल्को चन्द्रकोट गाउँपालिका ५ ग्वाघा स्वास्थ्यचौकी निर्माण सुरु भएको ३ वर्ष बितिसक्दा समेत काम सम्पन्न हुन सकेको छैन् । २ वटा कोठाबाट सेवा प्रवाह गर्दै आएको स्वास्थ्यचौकीको भवन निर्माणको काम समयमै सम्पन्न नहुदाँ सेवाग्रहीले समस्या झेल्न बाध्य छन् ।

२०७५ साल चैत्र ५ गते कर्मा कन्ट्रक्सन प्रा.लि काठमाडौँ र संघिय आयोजना कार्यान्वयन इकाई रुपन्देही बिच १ करोड ६१ लाख ४४ हजार ७सय ३८ रुपैयाँमा भवन निर्माण कार्य गर्ने सम्झौता भएको थियो ।


Advertisement

२०७७ साल असोज १९ गते निर्माण कार्य सम्पन्न गर्नेगरि सम्झौता भएको थियो तर हाल आएर भवन निर्माण कार्यले गति नलिदाँ स्वास्थ्यचौकी अलपत्र परेको छ । भवनको काम समयमा सम्पन्न हुन नसक्दा स्वास्थ्य सेवा लिन समस्या परेको स्थानिय सिता विटालुको भनाई छ । बषौंदेखी ग्वाघा स्वास्थ्यचौकीले पुरानो भवनबाट नागरिकलाई सेवा सुविधा प्रवाह गदै आएको छ । प्रसुति तथा वृद्धवृद्धालाई सेवा प्रवाहमा असहज भएको स्वास्थ्य चौकीका अहेव मिलन पल्ली मगरले बताए ।

निर्माण ब्यवसायीले कामदारहरुलाई ज्याला समयमा दिलाउन नसक्दा भवन निर्माणमा ढिलासुस्ती भएको पाइएको छ । भवन निर्माणको जिम्मा पाएको कम्पनीको मनपरीले स्वास्थ्य चौकीको भवन यसरी अलपत्र परेको वडा कार्यालयको भनाई छ । स्वास्थ्यचौकी भवन निर्माण व्यवसायीको लापर्वाहिको कारण अलपत्र छ । गाउँपालिका , वडा कार्यालय ठेकेदारलाई बारम्बार सम्पर्कमा ल्याउन खोज्दा मोवाइल अफ र सम्पर्क विहिन भई निर्माण ब्याबसायि तर्किरहेको चन्द्रकोट ५ वडा अध्यक्ष टेक बहादुर पुनले बताए। वडा अध्यक्ष पुनका अनुसार आफुहरुले निर्माण ब्याबसायिलाई सम्पर्कमा ल्याउन पहल गरिरहेको उनले बताए ।

यो पढेपछि तपाईलाई कस्तो लाग्यो ?


गुल्मी खबर
गुल्मी खबर डट कम २०८० चैत्र २० गतेबाट नागरिक सन्देश मिडिया प्रा.लि. द्वारा संचालित नेपाली भाषाको अनलाइन समाचार पोर्टल हो ।गुल्मी खबर डट कममा प्रकाशित सामाग्री बारे कुनै गुनासो, सूचना तथा सुझाव भए हामीलाई ([email protected]) मा मेल पठाउन वा ९८५७०६७७३८ फोन गर्न सक्नुहुने छ ।

Advertisement
विज्ञापन